प्रतिनिधी : शंकर जोग (लोकशासन) पुणे
मेहतर वाल्मिकी समाजाच्या मालेगाव नगरपालीकेतील चतुर्थ श्रेणी शासकीय कर्मचारी अजय श्रावण चांगरे यांना काही समाजकंटकांनी मारहाण करून करून जातीवाचक शब्द वापरून अश्लील शिवीगाळ केली.शिवीगाळ करणाऱ्या अशा समाजकंटकांना ॲट्रॉसिटी अंतर्गत गुन्हा दाखल करून कठोर शिक्षा व्हावी यासाठी जिल्हाधिकाऱ्यांना निवेदन देण्यात आले.
या घटनेचा मेहतर वाल्मिकी महासंघ पुणे शहराच्या वतीने जाहीर निषेध करून या संदर्भाचे निवेदन पुणे जिल्हाधिकारी जितेंद्र डुडी यांना मेहतर वाल्मिकी समाज पुणे शहराच्या वतीने देण्यात आले. यावेळी मेहतर वाल्मिकी महासंघाचे पुणे शहर अध्यक्ष रवी परदेशी, महासचिव नरेंद्र इंद्रसेन जाधव, दिनेश अर्धाळकर, सचिन निंदाणे, सचिन सारवान, कनव चव्हाण, सुनील पिलाव, महेंद्र लालबिगे, सुनील कोटीयाना, रामलाल जाधव, बाबूजी बेद, सूरदास चव्हाण, विजू चंडालिया, आदि यावेळी उपस्थित होते.