लोकशासन-प्रतिनिधी : संजय शिंदे
श्रीगोंदा तहसीलदार क्षितीजा वाघमारे व अमोल बन, महसूल नायब तहसिलदार, श्रीगोंदा, जि. अहिल्यानगर यांनी दि कॉन्फरन्स ऑफ चर्चेस ऑफ खाईस्ट इतर वेस्टर्न इंडिया या संस्थेचे नाव कमी करुन द कॅनेडीयन प्रेस ब्रिटेरियन मिशन करीता खाजगी व्यक्ती यांचे नावे मालकी हक्काचे आदेश करण्यात येऊन अनियमितता केल्याने महसूल व वन विभागाच्या आदेशानुसार, एका संस्थेचे नाव बदलून खाजगी व्यक्तींना मालकी हक्क बहाल करण्याच्या प्रक्रियेत नियमांचे उल्लंघन झाल्याचे स्पष्ट झाल्याने शासकीय आदेशात अनियमितता केल्याच्या आरोपावरून श्रीगोंदाच्या तहसीलदार क्षितीजा वाघमारे व नायब तहसीलदार अमोल बन यांना महाराष्ट्र शासनाने निलंबित केले आहे.
शासकीय कर्तव्यात कसूर केल्याने महाराष्ट्र नागरी सेवा (वर्तणूक) नियम १९७९ मधील नियम ३ व शिस्त व अपील नियम १९७९ नुसार त्यांच्यावर विभागीय चौकशीचे आदेश देण्यात आले आहेत. निलंबनाच्या कालावधीत त्यांचे मुख्यालय जिल्हाधिकारी कार्यालय, हिल्यानगर राहील व तहसीलदार सौ क्षितीजा वाघमारे व नायब तहसीलदार अमोल बन यांना पुढील आदेश येईपर्यंत मुख्यालय सोडू नये, असे स्पष्ट निर्देश देण्यात आले आहेत. त्यांना शासन नियमानुसार निलंबन निर्वाह भत्ता मिळणार आहे. तसेच, त्यांना कोणतीही खाजगी नोकरी, व्यवसाय अथवा व्यापार करता येणार नाही.