लोकशासन : प्रतिनिधी-इंदापूर ग्रामीण
इंदापूर : वालचंदनगर पोलीस स्टेशनच्या हद्दीत वालचंदनगर पोलीसांन कडून मोठी कारवाई करण्यात आली असून पोलिसांन कडून या कारवाई मध्ये सुमारे १०० किलो गांजा जप्त करण्यात आला आहे.
वालचंदनगर पोलीस स्टेशनचे प्रभारी अधिकारी राजकुमार डुणगे यांनी मिळालेल्या गोपनीय बातमीची पोलीस अधीक्षक पुणे ग्रामीण व अपर पोलीस अधीक्षक बारामती विभाग यांना देवुन उपविभागीय पोलीस अधिकारी, बारामती उपविभाग यांच्याकडे सदर इसमांवर कारवाई करण्याचे आदेश प्राप्त करुन घेत कारवाईची संपूर्ण योजनाबध्द आखणी केली. त्यानंतर तातडीने बावडा ते बारामती (बी. के. बी. एन) रोडवर ठिकठिकाणी पोलीसांचा सापळा रचुन मिळालेल्या गोपनीय माहिती मधील चार चाकी वाहनाची माहिती घेत असताना सदर चार चाकी गाडी ही कळंब (ता. इंदापुर) येथे दिसुन आली.त्यावेळी गाडीच्या चालकास पोलीस पाठलाग करत आहेत याची चाहुल लागल्याने गाडी चालकाने त्याच्या ताब्यातील गाडी भरधाव वेगाने पळविल्या नंतर त्या गाडीस सिनेमा स्टाईलने कळंब गावातील डी.पी चौकामध्ये आडवुन सदरील होंडा सिटी गाडी क्रमांक एम.एच १२ डी. वाय २०१२ गाडीमधील तीन इसमांना ताब्यात घेऊन गाडीच्या डिक्की मधील प्लॉस्टिकच्या दोन गोण्यामध्ये २४,९८,५००/- रुपये किंमतीचा ९९.९४ किलो गांजा तसेच ५ लाख रुपये किंमतीचे चार चाकी वाहन असा एकुण २९,९८,५००/- किंमतीचा मुद्देमाल हा नायब तहसिलदार अविनाश डोईफोडे तसेच दोन शासकीय पंचा समक्ष जप्त करण्यात आला.
या कारवाई मध्ये १) फिरोज अजिज बागवान, वय ३६ वर्षे, रा. कसबा बारामती, पुणे, २) प्रदीप बाळासो गायकवाड, वय २८ वर्षे, रा. मळद, ता. बारामती, जि. पुणे, ३) मंगेश ज्ञानदेव राऊत, वय २९ वर्षे, रा. मळद, ता. जि.पुणे बारामती, जि. पुणे यांना ताब्यात घेतले असून त्यांना पोलीस कस्टडी दिली आहे.आरोपींनी सदरचा अंमली पदार्थ गांजा त्यांचे इतर ०३ साथिदार यांचे मदतीने हैद्राबाद येथुन घेवुन विक्रीसाठी बारामती येथे आणत असल्याची माहिती दिली.
या प्रकरणाचा पुढील तपास वालचंदनगर पोलीस स्टेशनचे सहाय्यक पोलीस निरीक्षक राजकुमार डुणगे हे करत असुन तपासा दरम्यान फरारी आरोपी अश्रम अजिज सय्यद, वय २९ वर्षे, रा. निरवागज, ता. बारामती, जि.पुणे यास ताब्यात घेण्यात आले आहे.सदरची कारवाई संदीपसिंह गिल्ल पोलीस अधिक्षक, पुणे ग्रामीण, रमेश चोपडे, अपर पोलीस अधीक्षक पुणे विभाग, गणेश बिरादार अपर पोलीस अधिक्षक, बारामती विभाग, सुर्दशन राठोड उपविभागीय पोलीस अधिकारी, बारामती उपविभाग, अविनाश शिळीमकर पोलीस निरीक्षक स्था.गु. शाखा यांच्या मार्गदर्शनाखाली वालचंदनगर पोलीस स्टेशनचे राजकुमार डुणगे सहा. पोलीस निरीक्षक, पोलीस हवालदार गणेश काटकर, उत्तम खाडे, शैलेश स्वामी, गुलाबराव पाटील, किसन बेलदार, सचिन गायकवाड, शरद पोफळे, महेश पवार, पोलीस अंमलदार अभिजीत कळसकर, गणेश वानकर, राहुल माने, ओंकार कांबळे यांनी केली.