लोकशासन- प्रतिनिधी : इंदापूर ग्रामीण
इंदापूर तालुक्यातील ०५ मार्च २०२५ ते दिनांक ०४ मार्च २०३० या कालावधीत ज्या-ज्या ग्रामपंचायतीच्या निवडणुका होणार आहेत.अशा सर्वच ग्रामपंचायतीच्या सरपंच पदाच्या आरक्षणाची सोडत २३ एप्रिल रोजी दुपारी १२.०० वाजता इंदापूर मधील स्टेट बैंक ऑफ़ इंडिया समोरील वाघ पॅलेस शेजारील राधाई लॉन्स येथे होणार आहेत.
या आरक्षण सोडती बाबत लोकांन मध्ये संभ्रमावस्था निर्माण झाली असून हि आरक्षण सोडत कोणत्या कोणत्या ग्रामपंचायतीसाठी आहे या विषयी संभ्रम निर्माण झाला आहे.सदरील आरक्षण सोडत हि ०५ मार्च २०२५ ते ०४ मार्च २०३० या पाच वर्षांत ज्या ग्रामपंचायतींच्या निवडणुका लागणार आहेत अशा सर्वच ग्रामपंचायतीच्या सरपंचपदाच्या आरक्षणाची हि सोडण असणार आहे.त्यामुळे या पुढील पाच वर्षांत म्हणजेच ०४ मार्च २०३० पर्यंत निवडणूका होणाऱ्या ग्रामपंचायतीच्या सरपंचपदी कोणते आरक्षण असणार आहे हे २३ एप्रिल रोजी जाहीर होईल.
तालुक्यातील बिगर अनुसूचित क्षेत्रातील ग्रामपंचायतीमध्ये दिनांक ०५ मार्च २०२५ ते दिनांक ०४ मार्च २०३० या कालावधीसाठी च्या सरपंच पदाचे आरक्षणा तहसिल निहाय वाटप केलेले आहे. त्यानुसार तालुक्यातील सर्व ग्रामपंचायतीमध्ये एकाच वेळी दिनांक ०५ मार्च २०२५ ते दिनांक ०४ मार्च २०३० या कालावधीसाठी ग्रामपंचायत निहाय सरपंच पद आरक्षण सोडत करण्यात यावी अशा सुचना जिल्हाधिकारी यांच्या कडून देण्यात आल्या आहेत.या अनुषंगाने २३ तारखेला अशा ग्रामपंचायतीच्या सरपंचपदाच्या आरक्षणाची सोडत होणार आहे.